ЫНТЫМАҚТАСТЫҚ МЕМОРАНДУМЫ

2024 жылғы 9 қазанда Қарағандыда ҚР ҰҒА президенті А.Қ. Күрішбаевтың төрағалығымен ҚР Ұлттық Ғылым Академиясы Президиумының көшпелі отырысы өтіп, отандық медицина мен ғылымды интеграциялаудың өзекті мәселелері қарастырылды.

Кездесу еркін іскерлік әңгіме форматында өтіп, ғылыми медицинадағы мәселелерді шешудің жаңа идеялары, ұсыныстар мен тәсілдері айтылды. Көшпелі отырыс жұмысына ҚР Денсаулық сақтау министрі Ақмарал Әлназарова, ҚР Ғылым және жоғары білім министрі Саясат Нұрбек, Қарағанды облысының әкімі Ермағанбет Бөлекбаев, ҚР Парламенті Мәжілісінің депутаттары Айнұр Арғынбекова мен Жанна Асанова қатысты. Іс-шараға Қазақстан Республикасы Президенті жанындағы Ұлттық Ғылым академиясының академиктері, медициналық бейіндегі ғылыми ұйымдардың басшылары, медициналық оқу орындарының ректорлары, медициналық және қоғамдық ұйымдардың басшылары, жергілікті атқарушы органдардың өкілдері және басқалар шақырылды.

Өңір басшысы Ермағанбет Бөлекбаев атап өткендей, бұл кездесу денсаулық сақтау саласындағы ғылыми-зерттеу қызметін одан әрі жетілдіру, озық технологияларды енгізу және ғылымның тәжірибелік денсаулық сақтаумен өзара іс-қимылын нығайту үшін зор маңызға ие.

 Ол өткен жылдың қыркүйек айында Италияда өткен 25-ші Халықаралық ғылыми конференцияда Дәрілік заттар химиясы жөніндегі халықаралық орталықты Еуропадан Қарағандыға беру туралы шешім қабылданғанын хабарлады. Бұл қарағандылық фитохимиктердің бірегей дәрілік препараттарды жасаудағы жетістіктерін мойындау болып табылады, ал орталықтың Қарағандыда ашылуы отандық фармацевтикалық өндіріске озық технологияларды трансферттеуге және инвестициялар тартуға ықпал ететін болады.

 
   
     
     

Отырысқа қатысушылар «Фитохимия» ғылыми-өндірістік орталығының зертханалары мен өндірістік учаскелерін аралап, бірегей фитопрепараттар әзірлемелерімен және өндірісінің ұйымдастырылуымен танысты. Орталық ұжымымен кездесу өтті.

ҚР ҰҒА президенті «Фитохимия» ҒӨО» АҚ бас директоры С.М. Әдекеновті академик Қ.И. Сәтбаевтың мерекелік медалімен марапаттады.

Кездесу қорытындысы бойынша ҚР Ұлттық Ғылым Академиясының «Фитохимия» ҒӨО» АҚ-мен ынтымақтастығы туралы меморандумға қол қойылды.

     
 
     
     
     

 

 

FaLang translation system by Faboba