Қытайлық серіктестермен ынтымақтастық кеңейіп келеді
«Фитохимия» ғылыми-өндірістік орталығы» АҚ-ның Қытай университеттерімен, ғылыми орталықтарымен, фармацевтикалық компанияларымен фитохимия, фармакология және бірегей фитопрепараттар технологиясы саласындағы ғылыми-техникалық ынтымақтастығы кеңеюде.
Нанькин университетінің профессоры Ren Xiang Tan мырзамен 2024 жылдың қараша айында «Өсімдік шикізатынан биологиялық белсенді алкалоидтарды бөліп алу және құрылысын анықтау, олардың өсімдіктер органдарындағы локализациясы мен биосинтезін зерттеу» бірлескен ғылыми жобасы дайындалып, 2025-2027 жж. гранттық жобалар конкурсына ұсынылды.
Нинбо халықаралық ғылыми-инновациялық орталығының бас директоры Ли Чанхуамен бірегей фитопрепараттарды жасау және өндіру үшін бірлескен кәсіпорын ұйымдастыруды қаржыландыру бойынша келіссөздер жүргізілуде.
![]() |
2024 жылғы 14 желтоқсанда «Фитохимия» ғылыми-өндірістік орталығы» АҚ зертханалары мен тәжірибелік фармацевтикалық өндірісіне басқарма бастығының орынбасары Сун Цзянь жетекшелігімен ҚХР Дәрілік құралдарды қадағалау және бақылау басқармасының делегациясы сапар жасап, делегацияның құрамына келесі тұлғалар кірді: дәрілік құралдардың өндірісін қадағалау бөлімінің бастығы Чжань Яньи; дәрілік құралдарды тіркеу бөлімінің бастығы Тан Ди, Баоди қаласының нарықты бақылау және реттеу басқармасының бастығы Лу Цзяньпин; Ханчжун қаласының нарықты бақылау және реттеу басқармасының бастығы Ли Цзюн; Сиань ауруханасы директорының орынбасары Вэй Юаньбинь; Сиань ауруханасының фармацевтикалық фабрикасының бастығы Вэй Сянфэн.
Сапар барысында Қытай делегациясы дәрілік өсімдіктер коллекциясымен, кеппешөп қорымен, бірегей фитопрепараттардың үлгілерімен, аналитикалық нормативтік құжаттарымен, субстанция мен дайын дәрілік түрлер өндірісі кезеңдерінің сапасын бақылаумен танысты. Ынтымақтастықтың әлеуетті мүмкіндіктері, бірегей қазақстандық дәрілік препараттарды Қытайда тіркеу, бірегей фитопрепараттарды дәстүрлі Қытай медицинасында қолдану келешегі талқыланды.