Қазақстандық фитохимия Сібір биотехнологиясымен бірігуде
А.ж. 11-12 наурызда «Фитохимия» ғылыми-өндірістік орталығы» АҚ-ға құрамына биология ғылымдарының докторы, профессор Юрий Александрович Манаков, Виктор Матвеевич Мурашов және басқалар кірген Ресей Ғылым академиясы Сібір бөлімшесі Ресей биотехнологиялық компаниясының делегациясы сапармен келді.
Ресейлік биотехнологтер қарағандылық фитохимиктердің әзірлемелерімен және бірегей фитопрепараттар өндірісін ұйымдастырумен танысты.
Сапар барысында Ресей делегациясы «Фитохимия» ғылыми-өндірістік орталығының зертханаларында, өндірістік учаскелерінде болды. Орталықтың жетекші ғалымдарымен, жас мамандарымен кездесу өтті.
Бірегей фитохимиялық өнім нарығын дамыту, жоғары технологиялық фитохимиялық өндіріс саласындағы ынтымақтастық; фитохимия және биотехнология саласында білікті мамандарды даярлау, жас мамандардың заманауи фитохимия әдістері мен фармацевтикалық өндіріс технологиясы бойынша өзара тағылымдамасы; экспортқа бағдарланған дайын фитохимиялық өнімді өндіру бойынша бірлескен кәсіпорын түріндегі жаңа технологиялық құрылымдағы (технологиялық және цифрлық платформадағы) жаңа буын биофабрикасын салу бойынша ғылыми-техникалық әріптестік; ресейлік және қазақстандық биологиялық өнімді нарыққа шығару; қазақстандық және сібір өсімдіктерінің эндемикалық түрлерін плантациялық өсіру; Ресей Федерациясы мен Қазақстан Республикасының биоэкономикасын институционалдық, инфрақұрылымдық және инновациялық дамыту; дәрілік өсімдік шаруашылығы технологиясын енгізу арқылы экожүйелерді қалпына келтіру; фитохимиялық өндіріске экологиялық таза технологияларды енгізу; биотехнологиялық өнімдерді әлемдік нарыққа шығару мәселелері талқыланды.
 |
 |
|
 |
 |
Келіссөздер қорытындысы бойынша Ғылыми-техникалық ынтымақтастық жөніндегі меморандумға және Өсімдік шикізатынан бірегей дәрілік препараттар мен биологиялық белсенді қоспалардың бірлескен өндірісін ұйымдастыру жөніндегі ынтымақтастық туралы келісімге қол қойылды.